春嬌與長城

( Movie: Love in a Buff)

（photo taken by me with lomo LC-A/ Kodak Elite Chrome ISO100, 2009)

＜志明與春嬌＞嘅續集＜春嬌與志明＞上映左幾日，已經急不及待跑到戲院欣賞。由於今次係合拍片，所以有唔少北京嘅場景。其中，最令我驚喜嘅一幕，當然係長城腳下的公社嗰一段啦！ （因為小弟同我個春嬌09年去住過酒店二期的竹屋，戲中春嬌／志明住的係酒店一期的竹屋,係Kengo Kuma隈研吾設計的。Kuma的那一間房價要比普通的貴上好幾倍呀。。。）

長城腳下的公社係soho中國於二千年嘅一個開發項目，他們當時邀請左十二名亞洲年青的建築師去建造十二個私人獨立別墅，當中包括香港的張智強，嚴迅奇，日本的Shigeru Ban, Kengo Kuma, 韓國的承孝相，中國的張永和等等。項目建成後成為中國史上第一個被威尼斯建築雙年展邀請參展並得獎的建築作品群。此作品亦可理解為中國現代建築被肯定的一個里程碑。

呢十二年內，soho 中國輾轉在附近開發了第二期共42棟依據首批建築為設計藍本的酒店別墅，並引入凱賓斯基作為酒店管理。至現在則改為soho中國直接管理。

（photo taken by me with lomo LC-A/ Kodak Elite Chrome ISO100, 2009)

前幾年見過港龍航空做過公社嘅promotion package，相信對好些香港人來說長城的公社並不陌生,但可能對於它在建築意義上則可能不太了解，於是便寫了此短文簡單說一下。而對它不認識的朋友，如果你睇完＜春嬌與志明＞之後想帶你個一手就可以掌握嘅春嬌或者中四之後就無長大過既志明去公社動地驚天愛能過的話，咁呢個website或者可以幫到你。

長城腳下的公社酒店預訂網址

旅遊貼士：
1. 公社離開北京城有段好長嘅距離，交通上只有坐出租車最方便，價錢約二百人仔到。
2. 由於其他標準間嘅rate係standard嘅，所以如果你一定要住與戲中類似嘅竹屋就要係book之前做special request啦